Na Vel Hi Kei Ca A Za
(Lyrics)
Key: G
[Verse 1]
Misual bikmi ka nunnak hi
Bawipa nangmah sin ah kan pe
Na duh bangin nang ca’h nun ka duh
Thatnak zei hmanh ka ngei hrim lo
Chambaunak in ka khat Bawipa
Ka zeizong te nang caah hman ka duh
Tlamtling lo si ko hmanh ning
Tlamtlingtertu na si
Misual bik si ko hmanh ning
Ngaithiamtu Bawi na si.
[Chorus]
Thisen sungin a ka tlantu
Misual kei ca’h nunnak petu
Khamhtu Jesuh Khrih thawngin
Luatnak tling kaa hmuh cang
Bawipa kei ca’h na tha hringhran
Ka hmurkaa in ka chim cawk lo
Na dawtnak le na thatnak
Nun chungin ka au pi lai
Na vel hi kei ca a za.
[Verse 2]
Vawlei cung fimnak le rumnak
Rel cawk loin hei ngei hmanh ning
Zungzal caah phorhlawtpi tlak si lo
Zungzal nunnak ngeitu Bawipa
Nanglawng phorhlawtpi tlak na si
Na sin lawngah hnangamnak tling a um
Zeihmanh ngei lo sihmanh ning
Jesuh Khrih Bawi kaa ngi
Lam le Biatak le Nunnak
Jesuh Khrih ka Bawipa.
[Bridge]
Vawlei harnak nih ka doh hmanh seh
Teinak petu Bawi na si
Thlichia le tilet zong hrang ko hmanh seh
Dong loin kan thangthat lai.