Na Tette Thabik
(Lyrics)
Key: F
[Verse 1]
Hi vawlei caan tawite ka nun chungah
Ka saduhthah bik cu
Petu ka si khawh lo zong
Haltu cu ka si ter hin hlah Bawipa
Ka minung hawi a bawmchantu ka si khawh lo
Hmanh ah Bawipa
Ka minung hawi hrawkhraltu
Cu ka si ter hlah Bawipa
Ka minung zuamnak in ka tlinh kho lo.
[Chorus]
Bawipa Jesuh he a si kho lo ti um lo
Lei ah duhnung le zohdawh tein nun ka duh
Aww.. Thlarau Thianghlim ka bawm hram ko
Na sunparnak cu langhter ve ning ka duh ee
A chim le rel thiam lo hmanh ning
Nun in thawngṭha chimtu le
Na tette ṭha bik si ve ka duh ee.
[Verse 2]
Hi vawlei caan tawite ka nun chungah
Ka saduhthah bik cu
Midang a lawmhtertu le
Mi hnangamtertu ka si khawh lo zong
Midang an ngaihchiattertu le lungfahtertu
Ka si ter hlah
Mi thilrit chawngtu ka si
Khawh lo zongah midang ca
Thilrit cu ka si ter hin hlah Bawipa.
[Verse 3]
Biatak le bia thlum-al biadik ka chim khawh
Lo zongah Bawipa
Lih le maw hrawkhrol bia cu
Ka kaa in ka chuahter sawh hlah Bawipa
Mi thangṭhat le a conglawmhtu ka si khawh lo
Zongah Bawipa
Mi a thangchiattu si le
Midang a thlatu cu nun cu
Ka thinlung le ruahnak ah um hlah seh.
[Verse 4]
Ka minung hawi tangdor te in nunzia ka thiam
Lo zong Bawipa
Ka minung hawi cungcuan duh
Nak thinlung cu ka ngeihter hlah Bawipa
Midang kha a remtertu ka si khawh lo zong
Ah ka Bawipa
Midang a ṭhentertu le
Midang a raltertu cu
Ka siter hrimhrim hlah mu ka Bawipa.
