Na Mui Duhnung
(Lyrics)
Key: A
[Verse 1]
Mi chambau ka si caah
Bawipa nang kan herh ko ee
Mitling lo ka si caah
Ka kaltak hlah mu Bawipa
Ka hmanmi caan tha hna hi
Relzia ka thiam khawh nakhnga
Ka nunchung vialte ka cawnpiak peng ko
Nangmah lawng kan herh Bawipa.
[Chorus]
Kum hlun cu an liam dih ee
Thil vialte an thar than cang
Kan nunhlun cu kaltak in
Khrih ahcun mithar kan si
Nunthar thinlung thar
Ruahchannak thar a kan pek
A sunglawi Hallelujah Amen.
[Verse 2]
Kan eidin tirawl vialte
Pathian thluachuah mi an si
Dam man liam ding siseh law
Pek ding zei ka ngei hnga lo
Ka phut le ka tawk loin
Nifa thluachuah na ka pe
Nithar thlathar ah dam te’n na ka hruai
Kaa lawm tuk ee ka Bawipa.
[Verse 3]
Zawtfahnak kan ton caanah
Damnak tling na kan pek ko
Chambau in ka um caanah
Ka herhbau mi na ka pek
Zaan ka ih thihkar zongah
Mitku thaw te’n na ka thlim
Zing niceu a chuak kum nih a thar than
Bawipa mui duhnung an si.
