Misual Kei Caah
(Lyrics)
Key: B
[Verse 1]
Hlan lio ka sining kong ka ruah ah
Hi tlukin misual a thurhnawm mi
Ka nun hi dawtnak in lam na hruai
Lawmhnak mitthli a luang maw ka Bawipa
Na vel hi kei caah a za
Ka nun hi na kutah hruai law
Zungzal in nangmah na sinak tlau ti loin
Zungzal in um ka duh.
[Chorus]
Thihnak thongchung ka um lio ah khan
Vailam cungin Jesuh Khrih nih
Ka ca luatnak a ser cang
Thonginn chungin a ka tlanhtu Bawi
A sunglawi hitluk dawtnak vel hi
Misual kei caah a si.
[Verse 2]
Ka hmur le kaa in a chuakmi bia
Thurhnawm le fihnung an rak si
Midang ca fahnak petu an si
Bawipa nangmah lo cun ka hmurka
Hmanzia ka thiam hrimhrim lo ee
Ka hmurka ah vengtu Thlarau Thiang
Ka chiahpiak law maw ka Bawipa
Midang ca thluachuahtu si cang ning.
[Verse 3]
Caan saupi na sinin ka rak tlau
Van Va hmanh nih kir caan an theih
Kei bel cu kir zairel um loin
Vawlei nuamhnak le chaw lawng ruat in
Ka nun hi ka rak hman tawn ee
Tu ahcun ka tlaunak hmun in
Dawtu Jesuh Khrih na sinah
Van innnuam ah kir zai ka rel cang ee.
[Verse 4]
Bawipa nangmah caah ka nun hi
Hmang ve ning ti hi ka duh ee
Hmanhseh Thiang Thlarau nang te lo cun
Minung fimnak cu san a tlai lo
Thli lak i rianṭuan mi men an si
Hitluk in na dawtnak vel hi
Mikip nih thei dih hna seh ka duh
Ka thlarau in na sin thla ka cam.
