Miphun Thencheutu
(Lyrics)
Key: F
[verse 1]
Aw.. chinram le chin miphun nih
Suttung bang kan hngatchanmi
CNA nusal pasal tha vialte
Aw.. chinram le Chin miphun nih
Lungpi bang kan hngatchanmi
CDF nusal pasal tha vialte
Aw.. lungkhat le thinkhat tein
Ram thilrit a phurtu hna
Rammi nih kan in philh hrimhrim hna lo
Kan cung Arfi le Thlapa
Bangin kan in bih zuun hna
Chin miphun hna a ngamtertu cu nan si.
[Chorus]
Nan karlak ah tizut lo tein
Nan i daw maw?
Nan karlak ah mah thangthatnak kawl
Tu nan um maw?
Nan lakah reng le thut denh cuhmi
nan um sual maw?
Cu bantuk thinlung cu miphun then
Cheutu nan si.
[Verse 2]
Aw.. miphun pi raldohnak ah
Tedim le Falam, Tonzang
Hakha le Thantlang, Mindat, Matupi
Aw.. Kanpalet, Paletwa le
Chak le thlang nichuak nitlak
Lungkhat in rallian nan do ti hna maw?
Aw.. miphun pi raldohnak ah
U le nau a zamtak mi
Rallian lei tangmi nan um sual maw?
Ni nikhat caan khatkhat ah
Ram theipar kan zuun tikah
Na chuak ngamte hnga maw?
Tha tein ruat hmanh.
[Verse 3]
Aw.. ka dawtmi Chin ralkap hna
Rallian ngan kan doh lio ah
Kan Pathian kan cungah ai lawm hnga maw?
Aw.. kan ei le kan dinmi le
Kan tongh le kan thammi ah
Kan Pathian lawmhter tu i timh usih
Aw.. mikut in rul tlaih timh hlah
Nusal le pasal cio pei
Kan si cu tho in tuan ve hna usih
Bawipa kan lawmhter ahcun
Nihin ah har ko hmanhseh
Thaizing ah lawmhnak khua a dei than ko lai.
[Verse 4]
Aw.. CDF ralkap tha le
CNA ralkap vialte
Chikaht te lungrawh hmangmi nan si maw?
Aw.. thli tein tolh hmang le
Miphun pi a zamtak mi
Phet le chem a hmangmi seino nan si maw?
Aw.. kan doh i kan tho vaivek
Kan dir i kan kal vaivek
Ah hin cun teinak kan hmuh hlan tiang in
Kal usih nunnak pakhat
Te kan neih chun mi te hi
Kan ram caah pe siang cio ko hna usih.