Mi Ṭhabik Jesuh
(Lyrics)
Key: A
[Verse 1]
Moriah tlang sang parah Isak cu
Raithawi ding a caan a kim zo
Abraham mitthli thawn a ṭap
Sihmanhseh Isak ih aiawh ah
Jehovah Jireh Pathian hrenmi
Tuufa kha raithawi in a um ee..
[Chorus]
Hallelujah, kan thih aiah
Tuufa Jesuh in in thih sak
Sui le ngun ih tlenmi kan si lo
Van Bawi Fapa Jesuh thisen ih
Tlen le leimi fa kan si ruangah
Thangṭhat in lam lo thei kan si lo..
[Verse 2]
Kan ṭhatnak le tlinnak le felnak
In runnak cotlak kan si lo
Cui’ ruangah mi ṭhabik Jesuh cu
Nang le kei hrangah nunnak a pe
Kan tlinnak ah cohlan in a um
Pathian lung kan tonnak Jesuh Khrih..
[Verse 3]
Noah san in luatnak longpi cu
Mah le kut ih tuahmi a si
Sihmanhseh kan nih hrang ahcun
Minung lam ih tuah ṭuanmi si lo
Pathian ih tuahsak ciami Zion
Longpi Jesuh hi luatnak a si..
[Verse 4]
Ṭah le aihram thawng cu a thang ee
Tilik ah mi tampi an thi
Noah inn sungsang cu lungawi in
Long sungah Bawipa cu an thangṭhat
Thihnak in nunnak ro a cotu
Kan nih khal lungawi in kan lam ee..
