Lunglawmhnak Mitthli

Lunglawmhnak Mitthli
(Lyrics)
Key: E

[Verse 1]
Kan Pathian kan ca na that zia hi
Ka hmur le ka nih chim a tlinh lo
Hnabei hnabang in a vakvai mi
Ka nun him ten na ka kilveng
Cu i kilven mi ka nunnak nih
Ka herh mi zeizong mualpho loin
Nikhat hnu nikkhat a ka petu
Ka Bawi na dawtnak a lianngan tuk.

[Verse 2]
A ruah le chimhawk hmanh ka hngalh lo
Mi thluachuah phuntling na ka pek i
Ka tawngh ka thamh bal lomi thil tha
Na ka tawnghter i na ka hmanter
Jehovah Jireh tumcawp Pathian
Ka nun mawriah tlangah na hren mi
Thluachuah tukawng hi pakhat hnu pa
Khat ka zoh lawmnak mitthli a lung.

[Chorus]
Misual le mipalh mithur hnawmbik
Mi ka si nain miding mifel
Le mitha bang in na ka cohlang
Ka phu hrimhrim lo ka phu lo ee
Misual rimchia maw vankhua le ram
Siangpahrang i chungkhar member ah
Na ka thim ko mu hi ka ruah ah
Lunglawmnak mitthli biang in a luang.

[Verse 3]
Langak kha hmang in fadawt Eli
-Jah a rak cawmtu kan Pathian aw
Na fa ti awk hmanh a tlak lomi
Na hnakkar te ah na ka tenh i
Dawtu tha langak na ka thlah piak
Ka ei le ka ding bal lo rawl thaw
Bik a ka cawmtu ka bawi na sin
Lawmbia chimh zia hmanh kei ka thiam lo.

[Verse 4]
Zaanah tlingkhan dal chung ka lut i
Kaih phah le puanvorh kazoh ah
Zei ko hen ka si hitluk tiang in
Khuasik theih lo lumte na ka chiah
Mitku cim le vuai in na ka thlim
Zing thluachuah nithar na ka hmuhter
Hallelujah Bawipa na tha ee
Misual ka caah na tha tuk ko.