Lei le Van
(Lyrics)
Key: F#
[Verse 1]
Ka philh lio caan zongah philh kho lotu le
Ka kaltak lio caan zongah kaltak siang lo
Dawtu lakah dawtu cungnung Jesuh;
Hnu ka chit lio caan zongah hnu chit lotu
Ka pialtak lio zongah pialtak siang lo
Dawtu lakah dawtu cungnung Jesuh..
[Chorus]
Dawt ve lo awk hrimhrim hi a ṭha lo
Hi bang dawtu ṭha hi lei le van ah
Kawl len hmanh ning law
Ka tong kho bal ti lai lo
A dawtnak ka theih i ka pemh hnu ahcun
Lung dang a ngei kho ding hrimhrim ka si lo
Dawtu lakah dawtu cungnung Jesuh..
[Verse 2]
Nilin lam cho sangah vailam tung putin
Hliam hma fak khun tuarin hruai hna maw Jesuh
Misual a ka dawtu ka Bawi Jesuh;
Pathian fa ve lo bangin fang bang an pho
A zultu hmanh nih hnu an chit mu Jesuh
Misual kei a ka dawt ruangah a si..
[Verse 3]
Ka damnak ding caah fak khun cu a tuar
Ka nunnak ding caah thih fak in a thi
Misual a ka dawtu ka Bawi Jesuh;
Van nun ka ngeihnak hnga lei ram ah a ṭum
Sunpar ka conak hnga zomhteihnak a tuar
Misual a ka dawtu ka Bawi Jesuh..
[Verse 4]
Dawtawk ka tlak zat hmanh in kan dawt kho lo
Thangṭhat na tlak zat in kan thangṭhat kho lo
Ka tling lo ee ka chambau tuk hringhran;
Sunpar pek na tlak zat in kan pek kho lo
Cawisaan na tlak zatin kan cawi sang kho lo
Ka ngaithiam hram ko ka Bawipa Jesuh..
