Lawmhnak Taktak

Lawmhnak Taktak
(Lyrics)
Key: B

[Verse 1]
Vawlei ah hin hnangamnak le lawmhnak
Kawl in nichuak nitlak kan panh cio;
Siseh hnangam le lawmhnak an um lo
Lei ah hin hnangamnak um lo.

[Chorus]
Hnangamnak le lawmhnak taktak cu Bawi
Jesuh a ngeitu lawng nih an co ee
Vawlei mithmuh ah cun sifak an lo
Sisehlaw chunglei nunah an rum ee;
Cucaah nifatin an i lawm kho
Zeithil an ton paoh ah Amen an pe
Hi vawlei rothil kawngah an buai lo
Hnangamnak tling a ngeitu an si.

[Verse 2]
Solomon Siangpahrang zong chikhat cu
Vawlei thil in lawmhnak cu a kawl;
Sisehlaw hnangam lawmhnak a hmuh lo
Pakpalawng lawngte an si a ti.

[Verse 3]
Vawlei ah nupi dawh le pasal tha
Zawng hi hnangamnak an tling lo;
Lungkuai mitthli luantertu an si tawn
Jesuh lawng hnangamnak cu a si.

Chaw le va, sui le ngun thutdanh sangcung
Athu mi zawng an i lawmh hlei lo;
Chunglei ah mah le tawk cio in harnak
A tong lomi leiah an um lo.