Lawmhnak Mitthli Tu A Luang
(Lyrics)
Key: Db
[Verse 1]
Ka Bawi na dawtnak kong, ka ruah ah ka celh lo
Kei bel kan daw kho lo, hitluk misual hnuchit siang lo
Na pum tiang na ka pe khi cu, ka phut le tawk lo a si
Ka lunglawmhnak mitthli tu a luang..
[Chorus]
A lian a nganmi dawtnak ka cham kho lo
Aw.. ka pum hi mei khangh tiang in pe ning law
Acu zong nih a rul in a cham kho lo
Aw.. Bawipa lawmhnak mitthli tu a luang..
[Verse 2]
Lei chum ka Aa ka si, dawtnak ka chim thiam lo
Cu ca’h ka ṭap zungzal, ka thinlung le ka ruahnak cu
Bawipa aw na ka hmuh dih ko, nangmah hlei in duh le dawtmi
A dang ka ngei hrimhrim ve lo ee..
[Verse 3]
Lawmh awk na tlak zat in, lawmhzia hmanh kan thiam lo
Phuhrung in ka um tawn, hringtu nu hmanh nih an fadawt
Te cu philh caan an ngei ṭheu tawn, a ka philh kho lo tu Bawipa
Kei zong nih kan philh kho bal lai lo..
[Verse 4]
Hi vawlei minung cu, miṭha ca nun an pek
Miding ca pum an pek, nang cu Bawipa misual thurhnawm
Kei caah nun na pek hi cu, ka ruahnak nih a phan kho lo
Misual dawtu Pathian Jesuh Khrih..
