Lawmh Lo In Ka Um Kho Lo
(Lyrics)
Key: A
[Verse 1]
Bawipa na thatnak kong hi
Kei lawngin ka ruat zawnah
Ka thinlung nih a phan kho hrim lo ee
Minung hi zeihen kan si
I na hnakkar ah na tenh
ka ruah ah lawmh lo in ka um kho lo.
[Chorus]
Maw Bawipa kan ca’h na thatuk hringhran
Na thatnak hmurkaa in chimcawk si lo
Van sunparnak kal takin
Thihnak fakbik cu na tuar
Fa le ca’h thiltha ui lotu Bawipa.
[Verse 2]
Tihnung ral phunkip hna le
Zawt le fah tlangrai chungin
Ka nunnak cu him tein na ven i
Dinh hmun tipawng na ka hruai
ka lu ah chiti na toih
Zungzal a hmanmi lam ah na ka hruai.
[Verse 3]
Cung a zuang vanva hna le
Lei a tlong ramsa siseh
Tichung a leng samram vialte hna zong
An mah le sining cio in
Thluachuah phuntling na pek hna
An sining cio in Bawipa an thangthat.
[Verse 4]
Nu le pa hmanh nih ngaihthiam
Khawh ti lomi misual le
Ka fa tiawk hmanh aa tlak lomi zong
Kan sualnak na kan ngaihthiam
Fahniang ro na kan coter
Na vel in misual thiang ah na ka ser.