Lai Khuazung Christmas

Lai Khuazung Christmas
(Lyrics)
Key: D

[Verse 1]
Zil thlifim te nih lung hun hlau maw
Mi khamhtu Messiah chuah caan kan phan than
Fing le tlang cuanh ah maw chilchial te’n
Lung ah thar than maw lai khuazung hninghniang te kha
Rual tlingin Khrih chuah kan lawmh kha ka ngai ee.

[Verse 2]
Biakruun sang le khuazung rem dawhte
Khrih chuah thla phak cun leng le val rual nih
Zaang cawi in par phuntling he tamh hna
Zoh rem khun tuk ai mi thinlung hliphlauter chin
Far hnah khiah le biakruun tamh kha nuam kan ti.

[Chorus]
Atu ah cun tluangkip le ramkip ah
I thek in rual hawi kan tling ti lo
Nan thut le dirnak cio ah nan tlamtling maw
Thinlung le mitthlam ah nan cuang tuk ai
Lai khuazung hlam in Khrih chuah kan lawm than te hna lai
Nan umnak cio ah Christmas lawmhnak tlung seh.

[Verse 3]
Lungkil ah philh ni a um kho lo
Leng le val rual in khawmh in chang den kha
Chang dil le changpi changkhar kan fun
Nuam khun ko kan ti rual tling in chang dum ti caan
Changpar in bia nuam phai kha cim um lo.

[Verse 4]
Fingrei cah zing dapti hun tlak sin
Semmawng rual thil thar hruk in chor cio hna
Sei phurh in chumtual le zalam ah
Mah le kawp cio in fang le tih thing khawlh cio hna
Thlavang tang zaan vah hla vawr ngaih um khun.

[Verse 5]
Nu tar le pu tar zong bau loin
Zingkhuang in mei kau le sa bel khin
Biakruun in Christmas hla dawh hun thang
Lengmi semcawi hna haangso rim he aa rem khun
Ram sang hna Khrih chuah lawmh van kan hai lo.