Kumthar Thluachuah Dong Usih
(Lyrics)
Key: F
[Verse 1]
Kum le caan hna nih an liam
Thil sining hna zong ai thleng in
Ruahning le hmuhning zong ai dang
A liam cia kan caan chungah
Chiatnak ton caan zong a um ii
Thatnak ton caan zong a um ve
Ngaihchiat caan zong a um ii
Lunglawmh caan zong a um than
Hi lei kan nunnak ah
Thil hlun cu kum hlun nih liam pi seh
Ruahnak thar le lungthin thar he
Kum thar dong u sih.
[Chorus]
Kum thar thluachuah tlung ko seh
Bawipa dawtmi fa le kan cungah
Kan ngeihchiatnak puanlu hunpiaktu
Kan Bawi Jesuh Khrih sawm usih
A thlummi kum thar chungah
Kan nunnak zong Khrih ah thar seh
Thilhlun vialte lo dih hna seh law
Hmailei thil tha tu panh zuam in
Kan nun lamhruaitu tha bik
Kilvengtu le huhphenhtu
A kan dawbiktu bawi Jesuh sawm buin
Kumthar thluachuah dong usih.
[Verse 2]
Lungthin phurit mi nan um maw?
Nun beidong mi hna nan um maw?
Kan thilrit vialte hna cu Jesuh sinah thum u sih
Vanchiat caan zong um hmanhseh
Kan donghnak a si hrim lai lo
Harnak kan tonmi hna hi
Bawipa bochan zia kan thiamter
A sin thlacam mi cu
Kumthar chungah ruahchannak thar he
Jesuh sawm buin karhlan usih
Kan nun lamthluan chungah.
[Bridge]
Kumthar bang nunning thar he
Kan thazaang tharchuah usih
Kan Bawipa le ram caah
Tuan zuamnak lungthin ngei buin
Kan nun hmang usih.
