Khuaruahhar Khuakhannak
(Lyrics)
Key: C
[Verse 1]
Lungrethei in ka um tawn ee
Duhtlin lonak lei ram ah
Ka duhmi a tling kho lo
Duhtlin lonak ram a si
Ka tonmi harnak ruangah
Vuivai ding ka ngei hrim lo
Ka ca ṭhatnak ah Bawipa
Khuakhannak lawng a si ee.
[Chorus]
A caan ah ṭahnak horkuan
Ah a ka hruai ka ṭap tawn
A caan ah tuarnak these
Ah a ka hruai ka ai hram
A caan ah thangchiatnak le
Mualphonak hling le so ah
Ka ca ṭhatnak ah Bawipa
Khuakhannak lawng a si ee.
[Verse 2]
Bawipa khuakhannak hi cu
Khuaruahhar ngaingai a si
Sungzatlak a kan tonter
Thluachuahnak ka hmuh nakhnga
Zawtfahnak a kan inter
Damnak tling ka hmuh nakhnga
Ka ca ṭhatnak ah Bawipa
Khuakhannak lawng a si ee.
[Verse 3]
Bawipa khuakhannak hi cu
Khuaruahhar ngaingai a si
Nun tihal in a kan umter
Diriamnak ka hmuh nakhnga
Beidong in a kan umter
Ruahchannak ka hmuh nakhnga
Ka ca ṭhatnak ah Bawipa
Khuakhannak lawng a si ee.
[Verse 4]
Ka minung sinak in cun
Tuar a har ee leiharnak
Hmanhseh ka ton thil ah
Tuar khawhnak nun a ka pek
Ka ton mi harnak hna hi
A mui dawh hmuhnak a si
Ka ca ṭhatnak ah Bawipa
Khuakhannak lawng a si ee.
