Khrih Thawngin

Khrih Thawngin
(Lyrics)
Key: Ab

[Verse 1]
Pathian fapa Jesuh cu ka nunnak caah
Duhdim nunnak kan rosung bik mi a si
Kan herh mi thil zeizong kan ngeih khawhnak cu
Bawi Jesuh Khrih ngeih hi a si
An nunnak cu ramhring lakah a bok mi le
Dinhmun tipawng kamah hruai mi bantuk in
A thluachuah cu a liam in a liam ee.

[Chorus]
Bawipa fa le hna Bawipa cu thangthat uh
Aa dawtnak lianngan cu chim u si
Zeizong vialte ah Bawi Jesuh Khrih thawngin
A rum mi le thluachuah mi kan si cang.

[Verse 2]
Hi lei nunah nauta bik le santlai lo bik bang
Hnabei dong mi le vansang au mi nan um maw?
Na rosung bik Jesuh Khrih cu ruat than law
Hnangamnak in na khat ko lai
Pathian vialte lak i Pathian Cungnung Bik le
Bawi vialte hna lak i Bawi Cungnung Bik cu
Nang le kei i kan Pathian cu a si.

[Verse 3]
Kan nunnak nih ngaihchiat zawtfah a ton caan hna le
Thlichia tilet kan nunnak i hran caan ah
Thinlung kuai le vansang au in nan um maw?
Jesuh dawtnak hi ruat than hmanh
Harnak caaanah bawmtu tha bik ngeitu kan si
Thlarau Thiang in umpi mi fa le kan si
Amah chim law a kut cak na hmuh lai.

[Verse 4]
Jesuh Khrih ah pumkhat sinak kan ngeih hnu ah cun
Lei mi si lo vancung ram mi kan si cang
Vancung pennak rothil ngeitu kan si cang
Jeruslem fa kan si cang
Thiang Thlarau cu kan thawnnak le teinak a si
Kan fimnak le lamhruaitu tha bik a si
Halleluliah Bawipa Thangthat siseh.