Khamh Bawi Tinh Piakmi

Khamh Bawi Tinh Piakmi
(Lyrics)
Key: A

[Verse 1]
Mit in hmuh mi ram vawlei hi a rawk lai i
Mit in hmuh mi pum vawlei a kir than te lai
Mit in hmuh khawh lo kan thlarau nunnak bel cu aw
Mit in hmuh khawh lo Pathian sinah kir ve lai.

[Verse 2]
Chikhat te an par i an uai thannak vawlei
Hnuchit in kaltak kan chuaktak te tikah
A ziam i a kuai a car ti um lonak ram aw
Dong loin Vanbawi thangthat zai kan vorh hna lai.

[Chorus]
Cucu kan ram khamhbawi tinh piakmi hmun cu a si
Cu hmun ah cun ngaihchiat lungkuainak hrim a um lo
A kal ciami kan hawikom dawt hna an lengnak ram aw
Cucu nitin zaantin in kan ngaih chin lengmang cang.

[Verse 3]
Thihnak a thih i zawtnak vialte an tlaunak
Tahnak an kiang i mitthli an rehnak hmun nuam
Tian le thennak zai vorh um ti lonak ram khi aw
Kan zungzal lennak khuapi duhnung cu a si.

[Verse 3]
Hmeinu le hmeipa ngaktah um ti lonak ram
Mitcaw le keibei mitling lo ti um lonak ram
Sifak le mirum thlendan um lonak ram khi aw
Khrih zumtu kan hngahhlang mi khuapi cu a si.