Kan Zuam Cio Lai
(Lyrics)
Key: Ab
[Verse 1]
Semnak lungrawn ka hei cuan
Nu pa hawi dawt leen rual hna
Mui hmuh lo ṭhennak a sau cang ee
Dam ten nan um cio dik maw
Lungkil thli ngaih a zual tuk
Tlang hra dan in.
[Verse 2]
Kei le lai val ṭha rual cu
Tlang hra dan horkuang sang in
Ṭhal caan ni lin thlen hriput zong
Fur ti lian ruah tuk zongah
Khuasik horha lak zongah
Kan ram ca tin.
[Chorus]
Kan philh hlah uh nu pa hawi dawt hna
Nan thla camnak zongin
Kan hawi cheu cu an lu nun pekin
Thlan zamual an liam cang ee
An thisen luang in
Zeizat maw liam cang.
[Verse 3]
Zuam cio usih kan ram ca
Kan um kan ṭuan hmun cio in
Kan ram kan miphun zaleng te in
Hi vawlei ah dir ve seh
Teinak par a corh deng cang
Kan ram te ah.
[Verse 4]
Kha hlaan kan pi pu hna cu
An ngaihchun fei le nam he
Ralṭha in an do kan ram ca
Atu chan kan nih mino
Ziah kan um sawhsawh men lai
Tho ve cang.
[Chorus]
Teinak par dawh kan tawh tik ah cun
Cung Cung le Zing Te zong
Nuam le zalong tein kan leng lai
Mi sal kan si ti lai lo
Kan khua kan ram ah
Nuam ten kan leng ṭi lai.
