Kan Umpi
(Lyrics)
Key: Eb
[Verse 1]
Kan biak Pathian hi a ṭha tuk
A min thangṭhat zungzal si koseh
Lei Vanah Cungnung Bik Bawi a si
Leicung valhawi nih hmuhcim lo
Zingnu nihcun fiang te’n a kan hmuh
Dawttlak mi miphun ah a kan ser.
[Chorus]
Bawipa kan lei a ṭan ahcun
Teinak cu amah ta a si
Faro ralkap hna a teitu
Elijah zong ṭhawnnak a petu
Maw Bawipa, kan sinah kan umpi.
[Verse 2]
Kan biak Pathian hi a ṭha tuk
Miphun hmete kan si ko nain
Siangpahrang ram nortu a kan fial
Laimi sinak cun ṭih a nung
Kan ṭhawnnak nih a ban hrimhrim lo
Maw Bawipa kan kaltak hin hlah mu.
[Verse 3]
Kan biak Pathian hi a ṭha tuk
Miphun sifak kan si ko nain
Mirum phun tlaitu ah a kan fial
Minung sinak cun lung a dong
Kan ṭhazaang nih a phan hrimhrim lo
Maw Bawipa kan ṭhen siang hin hlah mu.
[Verse 4]
Kan biak Pathian hi a ṭha tuk
Ram bite ngei kan si ko nain
Ram kaupi nortu ah a kan fial
Taksa sinak cun bei a dong
Kan thiamnak nih a phan hrimhrim lo
Maw Bawipa kan zamtak hin hlah mu.