Ka Zummi Ka Thei
(Lyrics)
Key: E
[Verse 1]
A hmun ding mi thil um lo khualtlawnnak leiram ahhin
sawm lo mikhual ṭahnak buainak harsatnak a tam
Merem thiam lo, sungah a pil thei lo
To le din khal rem thiam hlah ee
A thim mi lamzin ah vak sukso ing Aw!
Leihring nun hi a va har em.
[Chorus]
Sihmanseh! ka zum mi ka thei
Ka biak mi ka thei
Hukim, hmukim, thei kim
Alpha le Omega Pathian a si
Thil a ti sual dah lo
A fale kan hrangah
A Lal tohkham ah a to in
In hmu in in theifiang thluhtu
Amah lawngah ruahsannak ka nei
Nithar mawi sungah in hruai sal ding
A hmin sunglawi sin seh!
[Verse 2]
Duhthusam kim ti um lo khualtlawnnak leiram ahhin
A thim mi lamzin ah tlu le bah in ni an liam
Thian rual le tla, zawi cawi dawm lo’n maw
Dairial in can san thluh si maw
Khawpi sung lamzin ah ṭahnak aw thawn Aw!
Theihthiam a har Bawipai’ remruat.
[Verse 3]
Kan khua le kan ram a ro taksa thinlung thlarau ah
Lungawi le hnihnak cu riahsiat ṭahnak ah an cang
Biakinn an thing, zaihla mawi an ziam
Thangharhtu le awptu nei lawn
Senpi tla vakvai in mangbang nak thawn Aw!
Fiang lo mi lamzin ah maw.