Ka Zeizong Jesuh
(Lyrics)
Key: E
[Intro]
Ka nunnak hi Jesuh Khrih
Ka damnak zong Jesuh
Jesuh kaa zeizong..
[Verse 1]
Vawlei cung sual muihnak chungah
Zei hngalh lo ka ton ding harnak
Caan tawi te ka khualtlawnnak ahhin
Zei ruat lo lungdong in ka vai
Ka hmuh le ka tonmi vialte
Ka caah lawmhnak an um lo;
[Pre-Chorus]
Khoi hen lawmhnak le hnangamnak a um tiin
Hnabei dong vansang in kei ka kawl tawn
Ka lungre a thei, bawmchantu ka ngei lo
Ka pialtakmi Jesuh sinah sual ngeihchih in thla ka cam.
[Chorus]
Maw Bawipa, ka zaangfah law
Kei misual hi na lawmhnak ka pe ṭhan ko
Maw Jesuh, dawtnak Bawipa
Nangmah sin lawngah lawmhnak tling a um
Jesuh nang cu ka zeizong na si/Bawipa/Jesuh.
[Verse 2]
Lungdong mi ruahchannak petu
Zaang baami ṭhazaang thar petu
Sifak le ngakṭah hna kan Pathian
Thleidannak ngei lotu Bawipa
Misual lei tangin a dirtu
Jesuh Khrih tuukhal ṭha kan hruaitu;
[Pre-Chorus]
Na min thiang cu zungzal thangṭhat si ko seh
Lei cungah na pennak tlung cang ko seh
Ka lungre a thei, bawmchantu ka ngei lo
Ka pialtakmi Jesuh sinah sual ngeihchih in thla ka cam.
