Ka Thutpi Kho Lo
(Lyrics)
Key: Db
[Verse 1]
Dawtu ka Bawipa Jesuh thangthat dah ti lo cun
Aho mi hmanh vawlei ah thangthat ding an um lo
Kaa minung hawi fial ruangah ka thangthat a si lo
A lianngan mi a dawtnak ka ruah than lengmang i
Amah thangthat dah ti lo hi tluk in a dawtnak
Rul in ka cham kho lai lo a lian in a ngan ee
Thawh in lam kho lo in cun ka thutpi kho lo.
[Chorus]
Thangthat lo kho hi ka si hrim lo
Lam lo kho hi ka si hrimhrim lo
A nunnak le a pum tiang a ka petu Bawipa
Thihnak in nunnak ram ah a ka hruaitu Bawipa
Ka taksa le thlarau i ka herhmi zeizong kip
Chambau loin petu Bawi cu ka thangthat lai.
[Verse 2]
Minute khat le maw second pakhat te hmanh zong khi
Ka nunnak a kil i a veng khomi ka si lo
Ka lucung i samfa hmanh a veng kho ka si lo
Sihmanhseh law ee nihin tiang ka nun hum him in
Thlifim thaing le niceu dawh hmanter khotu Bawipa
Zaan thluachuah le chun thluachuah siang tein hmantertu
Ka Bawi Cungnung Jesuh cu ka thangthat peng lai.
[Verse 3]
Hi vawlei ah a ciam i aa ral khomi chawva
A hmun lomi sining le sui le ngun rothil hna
Phorhlaw ngai in an lampi i an lawmhpi ahcun
A ziam i a ral kho lo ka Bawipa i dawtnak
Van Siangpahrang fa sining cu hrawmh ka si pinah
A rocotu fa ka si hi ka pemh fiang hnu cun
Thangthat in lam lo kho hi ka si hrim lo ee.
