Ka Thlacamnak

Ka Thlacamnak
(Lyrics)
Key: Eb

[Verse 1]
Bawipa thlichia le tilet
Ka ton ter hlah mu ti hi cu
Ka thlacamnak a si hrimhrim lo ee
Thlichia tilet cu tong hmanh ning Bawipa
Mupi bangin, thazaang lak ziatu
Ka thiamter mu Bawipa
Nuntam ka ngeihter, thawnnak thar ka pe
Cucu Bawipa ka thlacamnak a si.

[Chorus]
Jordan tilet pi cu ka hrialter hin hlah
Jordan tilet chungah na kutin ka hruai
Thlichia tilet cu zumtu nun thantertu
Ka nun thannak camipuai pi cu a si
Zaan khuapi ton loin cun
Zing niceu kan hmuh kho lo
Harnak thlichia le tilet ton loin cun
Thluchuah duhnung co khawh si lo.

[Verse 2]
Bawipa dotu le raltu
Ka tonter hlah mu ti hi cu
Ka thlacamnak a si hrimhrim lo ee
Dotu le raltu hna sinah Khrih nun
Na khuaitizuu, a thlumbikmi cu
Pek khawh nun cu kaa ngeihter
Huatu hna sinah, na dawtnak pangpar dawh
Rimhmui bik cu langhter ka duh Bawipa.

[Verse 3]
Bawipa aw zawt le fahnak
Ka tonter hlah mu ti hi cu
Ka thlacamnak a si hrimhrim lo ee
Sihmanhsehlaw zawt le fahnak chungin
Siibawi lianngan, na si zia tu kha
Mikip nih hmuh hna seh
Ka vuivai lai lo, ka hrum-ai lai lo
Nangmah sunparnak ding a si ah cun.

[Verse 4]
Bawipa aw har le sat in
Cu ka chia hlah mu ti hi cu
Ka thlacamnak a si hrimhrim lo ee
Sihmanhsehlaw har le satnak chungin
Tumcawk Pathian, na si zia tu kha
Na langhter ton Bawipa
Na ka pe thluachuah, ka can tawk ah hin
Lung si hnangam ziatu ka thiamter mu.