Ka Lungfim A Tlai Tuk
(Lyrics)
Key: D
[Verse 1]
Bawipa dawtnak ruah ah mitthli he ka ṭap tawn
Harnak ka ton caan le ka lungretheih caanah
A ka hnemtu a si ti fiang te ka hngalh cang
Ka ton mi thil kip hi a dawtnak an rak si..
[Chorus]
Ka tlin ka fel ruang le ka thiam ruangah si lo
Misual ka nun hmangin na sunparnak caah
Na ka pekmi ka aw ka zai hla hna hmangin
Ka nunnak hi Bawipa ram caah hman ka duh..
[Verse 2]
Ka nunnak um chung cu kan thangṭhat peng ko lai
Vawlei ah nang lo cun thangṭhat ding ka ngei lo
Ka himnak ka ralhruang Bawipa nang lawng na si
Thangṭhat awktlak hmanh in kan thangṭhat kho hrim lo..
[Verse 3]
Harnak ka ton lawngah na sin thla ka cam tawn
Lawmhnak ka ton caan cun Bawipa kan philh theo tawn
Ka lungfim a tlaituk Bawipa hung ka ngaithiam
Lawmhnak le harnak in na mui langhter na duh..
[Verse 4]
Zawtfah ka ton caan cun na sin thla ka cam tawn
Siseh ka dam tik cun thlacam ka dai thlang tawn
Ka lungfim a tlai tuk Bawipa hung ka ngaithiam
Damnak petu na si zia kha ka fiang cang ee..
