Ka Hruai
(Lyrics)
Key: F#
[Verse 1]
Nitin ka nunnak lamthluan hi ka ruah lengmang tikah
Harsatnak le buainak tampi ka tawn
Ka minung hlun taksa rak doh hi a har hringhran ee
Cu ca’h thinlung kuai in ka ṭap ruangmang..
[Chorus]
Aw.. Thlarau Thianghlim aw ka bawm hram ko
Hnu tawlh hmangmi ka nun ka celh lo ee
Kamhmi ram nuam panh in nitin nun kar ka hlan lio ah
Na kutcak in ka hruai peng mu Bawipa..
[Verse 2]
Mupi bangin thla ngei ve ning ti hi ka va duh dah
Sual phak khawh lo sangin zuang ning ka duh
Ka duh lomi ka tuah sual i ka ruah lomi ka chim
Chung sivang in ka ṭap ṭhan ruangmang tawn..
[Verse 3]
Khuapi uk khotu le rampi tei khotu sinak in
Mah le mah uh in teitu si ka duh
Mi nih Pathian fadawt tiin an ka zoh lio caanah
Pathian fa mui duhnung ka cuang kho lo..
[Verse 4]
Bia dawh chimthiamnak in nun dawh ngeitu si ka duh deuh
Ka chimnak in nun in chim ka duh deuh
Ka lung nih a theih ko Bawipa ka nun nih a tlinh lo
Nunral doh hi a har hringhran Bawipa..
