Ka Celh Hrim Lo

Ka Celh Hrim Lo
(Lyrics)
Key: Db

[Verse 1]
Van Arfi le Thlapa, Nika hna nih
Bawipa sunparnak an langhter hna
An aw thawng theihkhawh in um hlah hmanhseh
Bawipa dawhnak muisam an langhter..

[Refrain]
Keibal Bawipa sunparnak ka langhter kho lo a poi ee
Kaa celh hrim lo lungkuai in ka ṭap tawn..

[Chorus]
Hawidawt nang Bawipa sunparnak cu
Na langhter kho ve maw i check ve hmanh
Vawlei caantawi kan nun chungah
Bawipa sunparnak langhter loin
A poituk ee na lungfak ve lo maw?

[Verse 2]
Fing le tlang sang, nelrawn, horkuang hna nih
Bawipa sunparnak an langhter hna
Thingkung, ramhnah, pangpar phunkip zongnih
Bawipa dawhnak muisam an langhter;

[Verse 3]
Van ah a zuang va phunkip hna zongnih
Bawipa sunparnak an langhter hna
An aw dawh chuah in an thangṭhat i
Bawipa dawhnak muisam an langhter..

[Verse 4]
Saram le saṭil phunkip hna zong nih
Bawipa sunparnak an langhter hna
Tizu nga le sermi thil vialte nih
Kan Bawipa lianngannak an langhter..