Ka Cah Na Tha

Ka Caah Na Tha
(Lyrics)
Key: G

[Verse 1]
Bawipa dawtnak hi nifatin ka ruah ah
Hitluk misual a nunnak tiangin petu
Ka lunglawmhnak mitthli a luang ee Bawipa
Cham khawh lomi dawtnak he a ka dawtu Bawi.

[Chorus]
Ka caah Bawipa thatnak ka ruah tikah
Lawmh loin um khawh ding ka si hrim lo
Ka thlarau thinlung taksa caah
A zungzal in ka caah na tha.

[Verse 2]
Nihin dirhmun tiang ka phut le ka tawk loin
Na ka cawisan thluachuah tlamtling na ka pe
Lawmhnak biachim hi nifatin ka leiba
Maw Bawipa na dawtnak hi ka caah sang ee.

[Verse 3]
Ka hmuh le ka ton mi thil vialte hna hi
Ka caah thluachuah ah Bawipa nih a ser
Na dawtnak ka cham khawh tawk cu maw Bawipa
Ka nunnak dihlak in nang kan thangthat a si.