Ka Bu Nuam
(Lyrics)
Key: B
[Verse 1]
Bawipa na thawngṭha ruangah
Khuakip ram kip ka cul i
Mi nih an ka thangṭhat i
Minthatnak ka ton cann ah
Na rianṭuan ka lungtho chin
Martar tiang thih hmanh ka duh
Hmanhseh thangchiat ka ton cun
Nun beidong in ka um tawn.
[Chorus]
Kaa Pum peknak na donghter
Ka ṭhawnnnak na ka phelhpiak
Ka fimnak thiamnak zong
Na ka donghter
Ka Hmuhnak mit na cawtter
ka kalnak ke na beiter
Jesuh Khrih mithmai dawh ka
Hmuh khawh nakhnga.
[Verse 2]
Jacob nih Isau min in
Lei thluachuah co hmanhsehlaw
Van thluachuah conak ahcun
A sinak phuan a herh cang
Akhel ruh a phelh hnu cun
Lei mit hmuh ah mual a pho
Ka ton mi mualphonak hi
Van thluachuah conak a si.
[Verse 3]
Mupi nih a fano hna
Umnak bu cu a hrawh i
Hling lakah a bawhter i
Thinphang in an aihram tawn
Athla cungah a futter i
Harnak in nun a cawnpiak
Bawipa nih ka bu nuam cu
Harnak in a ka hrawh tawn.
