Jesuh Tel Lo Cun
(Lyrics)
Key: B
[Verse 1]
Maw ka nunnak Bawipa thangṭhat tuah
Ka sining vialte a min thangṭhat
A dawtnak le a velngeih ruangah
Thlan chung in a ka luatter
Din hmun ti pawngah a ka hruai
Ka nunnak caah a herh mi a ka pek.
[Chorus]
Cucaah Bawipa kai lawm
A liamcia caan le ka ton lio mi caan hi
Hmailei caan zongah siseh
Nang nih ka nunnak lam hi hruai zungzal law
Zeitik caan hmanh ah ka kaltak hin hlah mu.
[Verse 2]
Ezakia cu a lungrei a thei
Bawipa nih na thi cang lai a ti
Sihmanhsehlaw hi tin thla a cam
Maw Bawipa ka nunnak hi
Liamter hin hlah zaangfah a hal
Kum 15 chung tiang nunnak cu a pek ṭhan.
[Verse 3]
Hruaitu Moses nih Bawipa a nawl
Kan sin ah nai tel lo ding ahcun
Hi ka hmun in kan chuak ngam lai lo
Bawipa tel lonak ahcun
Ṭihawk a tam phanawk a tam
Cucaah Bawipa kan kaltak hin hlah mu.
