Jesuh Pekmi Lawmhnak
(Lyrics)
Key: Bb
[Verse 1]
Lunglawm tein um ning Ka ti zawn ah
Thinhunnak nih ka nun a uk ton
Duhdim nunnak kawl in ka um zawnah
Lungdongh vansannak in ka khat chin..
[Pre-Chorus]
Jesuh tel lo lei nuamhnak nih
Hnangamnak tling an pe kho lo
Amah sin lawng ah nun diriamnak le
Hnangam lungdeihnak cu a um..
[Chorus]
Cu lawmhnak cu maw Bawipa
Co ve dingin Kan hal ee
Lei pek mi lawmhnak hna cu
Lam can ceu men lawng an si ee
Cu caah Ka nun hi nang nih hruai law
Na duhnak cu ka duhnak si kho ve dingin
Ka sining zeizong vialte kan pek dih
Na sunparnak ca’h Ka hmang ko..
[Verse 2]
Hnangam tein um ning Ka ti zawnah
Ngaihchiatnak nih ka nun a temh ton
Vawlei lawmhnak kawl in caan ka hman tawn
Cu lawmhnak nih ṭahnak a chuah pi..
[Pre-Chorus]
Jesuh tel lo lei nuamhnak nih
Lawmhnak tling cu an pe kho lo
Lungfahnak le ṭahnak men an cang ee
Nun lungdongnak men an cang dih..
[Verse 3]
Khuazei in dah lawmhnak tling ka hmuh khawh hnga
Bawmtu kawlin ka vakvai ton
Vawlei ah hin lawmhnak tling an um lo
Harnak le fahnak in a khat..
[Pre-Chorus]
Hmanhseh jesuh dawtnak aw nem nih
Ka fa dawt ka sin ra law a ti
Cu lawmhnak cu vawlei pek mi si lo
Jesuh pek mi lawmhnak a si..
