Jesuh Nih An Hngah Ko
(Lyrics)
Key: A
[Verse 1]
Ka mit fa lai bang in kan ven zungzal
Ka thisen cawkmi fa
Vawlei par dawh ee tlan cu na cimh i
Na vuai kho hrim lo maw?
Cer lian ni nute zong nih tlangpar
Fuh in a liam deng ṭung
Kir zai rel caan ee a cu cang lo maw
Sian lo fadawt te aw..
[Chorus]
Hringtu sunghno a nu hmanh nih
A fadawt kha philh caan an ngei
Kei cu kan philh lo ee ka fadawt aw
Ka thinlung ah na cam
Nang kir lai nak ee nithla rel in
Thlir in kan hngak peng ko
Rak kir cang ko mu maw ka fadawt aw
Jesuh nih an hngah ko..
[Verse 2]
Thlir in ka zaamtak lengmang ti hlah law
Maw ka fadawt te aw
Lungfim tein ee zoh hmanh na zulhmi
Lam khi ṭih a nung tuk
Lei i sifah harsat na tuar hnu
Na nunnak tiang liam in
Na thlarau hremnak hell chung phak ding cu
Fadawt kan siang hrim lo..
[Verse 3]
Mah le mah kha i zoh in lungdong in
Um hrimhrim hlah ka fa
Na tlinlonak le na sual fihnung kha
Kei nih kan hmu piak lo
Pardawh lakah rimhmui cem na hluan
Vanmi hna hmai zongah
Kan zahpi hrimhrim lo ee fadawt aw
Bawi Jesuh nih an ti..
[Verse 4]
Lungdang ngeiin in lam dang pialtak cia
Ka sin ah hin fadawt
Kan ṭhen kho lo ee van khuapi chungah
Nang lo ka tlei kho lo
An hleng biathlum pardawh in lemtu
Thihnak lam an hruaitu
Khuamui valpa cu hnu lei chit cang law
Ka sin rak kir an ti..