Jesuh Lawng Hnangamnak Tling

Jesuh Lawng Hnangamnak Tling
(Lyrics)
Key: C

[Verse 1]
Vawlei kan nunnak caan tawte chung ah hin
Sifah retheihnak phunzakip kan tuar ee
Lungdong vansang in kan um
Hna bei dong khuaza ruatin
Siseh hnangamnak zeihmanh kan hmuh kho lo
Kan thil a rit chin kan nun a rit chin ee.

[Verse 2]
Rethei le thilrit mi hna ka sin ra uh
Dinhnak kan pek hna lai Jesuh nih a ti
Keimah sin i nunnak ti
A dingmi vialte nih cun
An ti a hal than ti lai lo tiah a ti
Kei cu nunnem mi le toidor mi ka si.

[Chorus]
Jesuh lawng hi hnangamnak tling a si
Jesuh sin ah na zeizong vialte run chiah dih law
Jesuh nih tuanvo an lak piak lai
Zei thil paoh kan ton mi cung ah hin
Vuivai loin thlacam zungzal usih
Ka min in zumhnak he nan ka hal ahcun
Kan tuah piak lai Jesuh nih a ti.

[Verse 3]
Nang nih cun zeizong thil vialte hna nakin
Nan sunglawi deuh i nan biapi deuh a ti
Thaizing kongkau ah zeihmanh
Lungretheih in um hlah uh
Nan herhmi vialte ka Pa nih a hngalh dih
Keimah sin ra uh hnangamnak nan hmuh lai.