Jesuh Ah Zeizong Te A Tling
(Lyrics)
Key: G
[Verse 1]
Leicung ah hmun mi zeihmanh um lo
Kan duhmi thil kip hna hi an ṭha lo
Kan ruahnak hna le kan tuah mi thil vialte hi
Bawipa tel lo cun pakpalawng an si..
Lei nuamhnak kawl in maw kan vai tawn
Cu nuamhnak nih lawmhnak tling pe kho lo
Hnangamnak hna le duhdim tein nun hna hi
Kan Bawipa Jesuh sin lawngah um..
[Chorus]
Jesuh lawnglawng hi zumhawktlak Pathian a si
Bochan tlak hngatchan tlak a si
A fekmi a dawtnak cu zungzal in a hmun
Thleidannak ngei lo dawtnak tling in a kan dawtu
A fa le caah ui mi zeihmanh um lo
Zungzal nunnak tiang a kan pek..
[Verse 2]
Hi vawlei le a chung um mi thil hi
Ni khatkhat caan khatkhat cu an lo lai
Leicung sunparnak phawrhlawt ruamkainak hna hi
Bawipa nih donghter caan kan phan lai..
Maw hawidawt na nunning ruat ṭhan hmanh
Thih hnu pin lei na thlarau nunnak ca’h
Kalnak dingmi lam pahnih te lawng a um
Cucu zungzal nunnak le thihnak lam..
[Verse 3]
A caan luan hlanah hawidawt panh cang
Bawipa kawhnak aw nem hi ngai law
Ni ṭha lo hna le caan ṭha lo hna an phak hlanah
Rianrang in Bawipa sin kir cang tuah..
Ka sin ra mi cu hohmanh ka donh lo
Nunnak laksawng tu kan pek lai a ti
Van Jerusalem Thar i remh cia mi inn dawh ah
Dong loin Jesuh kan thangṭhat lai..
