Jerusalem Arhli
(Lyrics)
Key: D
[Verse 1]
Voithum khengte hi mipa hi, ka hngalh hrimlo ti’n ati
Peter hlawtnak aw nih Jesuh, thinlung fei bang a chunh ee
Jerusalem arhlite zong, lunghno ngai in a khuang cang
Jesuh hlawtu Peter thinlung, kekkhuai in a ṭap ruang mang..
[Chorus]
Maw Bawipa aw na fa le, na sin in an pial dih cang
Kirzai rel ṭhan um ti lo, hi ti’n maw caan a dih lai
Ka ruat kho hrim lo Bawipa, tuah khawh mi le ka ngei lo
Jerusalem arhlite aw, an caah khuang ṭhan ko mu..
[Verse 2]
Micheu cu Balaam hnuzulh in, vawlei chawva ah an pial
Micheu bel cu Jezebel hnu, zulh in thlarau doh an tam
Micheu hna zong Sadom khua le, Gamorah nun an cawng i
Khrihfa ram kan si kan ti ṭung, Khrih muisam cuang kan umlo..
[Verse 3]
Lungrep ngei lo zumtu ruangah, mitthli he Jesuh a ṭap
Zumhawk tlak lo zumtu ruangah, Jesuh thinlung a kuai e
Hmanhseh hnuchir siang hin loin, lungsau in a kan kawltu
Hitluk dawtu i dawtnak hi, fuhtu hohmanh an um lo..
[Verse 4]
Aw nemte in an auh lio le, lungsau in an hngah lioah
Peter bang thinlung kekkuai in, Asin i a ra mi cu
An sual a ngeihthiam i an ram, le miphun a damter hna
An zawtnak cu a damter i, a sunparnak a hrawmh hna..
