Hram Len Tawn Hna Maw
(Lyrics)
Key: D
[Verse 1]
Zei hme kan ruah kan phuntling in
Tluangdang le ramdang ah
Kan ramhar le ngun sawm kawl ruah ah maw
Semnak Lai lungrawn chuaktak in
Tluangdang kan hram riangmang
Maw ka hngahhlang nehbung khirh le
Khua chuah mual len ṭhan lai.
[Verse 2]
Nan lungzor hlah uh leeng le val
Lairam ca’h fawh nan ṭuan
Retheih sifah le zonzai kip tuarin
Cungṭhu bawi le milian rual nih
Duhtawk in hnek hna maw
Tuarthiam a har sal si ṭung lo
Sal bang ṭuan le nun hi.
[Chorus]
Hraam len tawn hna maw
Val ṭha rual cu
Hriamkip putin rian
Hang an ṭuan zawn
Ruun-hngak leengnu le
Semcawi hna zong nih
Hlam ve tawn hna lai
Zaanmang tiang mitthli he.
[Verse 3]
Philh um lai lo kan chan chungah
Roling seh kan ṭuanbia
Sahngar nan ti palik miṭha rual nih
Nan ngeihchaw ngun sawm an lak le
Chuh nan ton caan zongah
Cung Pathian nih an hmuh ko hna
Lai a rel te ko lai.
[Verse 4]
Maw lainu ṭha te’n ruat ve hmanh
Hlawhcia chaw na hman zawn
Na dawt na kawp hnek lengmang a ṭuan man
Duh in hmang loin semsih te’n
Lai na relthiam ahcun
Philh um te lai ton ṭhan caan ah
Zaanmang bang kan ṭuanbia.
[Verse 5]
Rizuang mual an liam kan chuahpi
Val ṭha kan siang lo hna
Ngakṭha fa bang lileng le tuarhar in
Mui hmuh loin leidai an ciam
Domh le tlaih zong tong lo
Fak khun ai lai sunghno nu le
Pa le thaisung nu ca.