Hoilo Par Mitthli
(Lyrics)
Key: G
[Verse 1]
Ka thinlung ah
Ka mitthlam ah
Ka nunnak ah
Pangpar mawi nang mah lawng hi
Ka lo tumtah
Si hmanseh la
Mitṭhep kar ah
Val dang tang ah in bei san
Lungleng hla thawn
Thlapi hnuai ah
Zan it thei law’n
Na ṭhuhla in i cencilh
Val dang kut sung
Na uai ding cu
Ka lo sing lo
Hmanseh la na hrangah kei
[Chorus]
Santlai lo val
Hlawhtling hrih lo
Mithmai ngah lo
Sumpai khal zianghman nei lo mi
Ka ruat ngam lo
Nang hngilh ding cu
Ka thinlung in
A siang lohman seh la kei cu
Dinhmun hnget hrih lo.
[Rap]
Na milaipa thawn nan duh
aw hla ih sin ka lo duh zo
A si nan ka hmurka in a
suak ngam lo tui ni tiang
Ka lo sim ding ka tum ni ah
Tlangval dang na rak nei zo
Ka um dan leh mithmai i sin
Ka lo duh tuk na thei lo maw?
Zarh khat ah voi khat te lawng
Na hmel duhnung ka lo ton caan
Khawp zet in ka lo zoh duh nan
Na kiangah na milai pa um
Voi 1 voi 2 ka lam ah na her caan
Zoh ngah pang caan
Ka thinlung sung ih sin
Sim thei lo mi natnak a suak.
[Verse 2]
Par duhnung te
Nikhat ni ah
Na valpa in
A lo hlawn pang le
Ka ṭang hlum in a lo hmuak
Na uai hnu khal
I theihhngilh hlah
Nang co ding ka lungthlitum
Hoilo par kei
Nang ka lo hngak
Ka ziam tiangin
Nang lo cu ka nunsung ah
Par dang um law’n
Par mawi nang lawng
Ka lo at cilh
Mitthli thawn in kei cu.
