Hlen Khawh Lo
(Lyrics)
Key: Ab
[Verse 1]
Titsa vawlei minung hna cu kan i hleng kho ko
Isak le Jacob ṭuanbia kha na ruat ve bal maw?
Siseh sertu kan Pathian cu hlen khawh a si lo
Kan hlen a si ahcun kan mah ca’h fahnak tu a si..
[Chorus]
Hlen khawh lo maw kan Pathian aw
Ka Eden sual na hmaika ah thuh kkhawh a si lo
Ka sualnak Calvary tlangah
Na dawtnak in na ka tlanh caah Bawipa kai lawm tuk..
[Verse 2]
Jonah zong kha Pathian hmaiah cun ai thup kho lo
Harnak le lungretheih ngai in ngapi paw chungah
Nithum le zaanthum chung lungdong vansang in a um
Kan Bawipa Jesuh hmai i thuh cu hmualphonak a si..
[Verse 3]
Rachel zong nih a va Jacob cu a hlen khawh ko
Thli tein milem Pathian dang cu ai ken nain
Bawipa nih cun a theih tikah an lam a tluang lo
Bawipa hlen cu chungkhar caah lamtluan khawh a si lo..
[Verse 4]
Peter zong kha ralkap hmai ahcun ai hleng nain
Sihmanhseh kan Bawipa Jesuh cu aa hleng kho lo
Ar voithum a khuan tik ahcun lunghno in a tap
Bawipa hlen cu kan ca’h ngaihchiatnak tahnak ah an cang..
[Verse 5]
Pathian hmai ah hohmanh kan i thuh khawh lo caah
Amah lila tu kha fuh in panh chinchin usih
Amah a fuhpanh mi hna cu a deuh bal hna lo
Kan herhmi thil vialte hna zong hi amah ah a tling..
