Himnak Lungpi
(Lyrics)
Key: D
[Verse 1]
Ka lungcung i sam pakhat te hmanh
A veng khomi ka si lo nain
Nihin ni le a tu caan tiang zong
ka nun ka damh mi hi
Ka Bawi na dawtnak vel a si i
Ka nunnak nih ka herh mi zeizong
Hninfenh puanaih ei le din zeizong
Chambau loin petu.
[Refrain]
Na vel a lian i a ngan hringhran
Nizaannak in nihin ah
A sang deuhdeuh a thuk duehdeuh
Hmur le kaa le lei le dangin chimcawk lo
Ka Bawi dawtnak
Ka ca’h tiva bang a luang.
[Chorus]
Thlichia le totho tihnung cu ra hmanhseh
Ka thinphang lo
ka himnak lungpi Bawi Jesuh na si
Chun ah siseh zaan ah siseh
A hngilh bal lo Pathian nung kan ngei
Hallelujah Jesuh Khrih cu
Kan himnak lungpi na si.
[Verse 2]
Ka mit ka theh khawhmi te hmanh hi
Nangmah thawngin a si ti ka hngalh
Ka cil ka dolh khawhmi te zong hi
Nangmah thawngin a si
Mithmuh khawhnak a ka petu le
Chim le rel kho ka si mi zong hi
Keimah thil ti khawhnak a si lo
Ka Bawi dawtnak a si.
[Refrain]
Aw a va lianngan hringhran dah Bawi-
Pa keimah ca na thatuk
Lei ka nunchung lawmh bia chim ding
Leiba ka ngei ka thangṭhat lai zungzal in
Misual keimah
A ka dawtu Bawi Jesuh.
[Verse 3]
Mirum milian hna nih an ei mi
Ei le din thaw ka ngeih lo zongah
Caantawk nakah pekmi ti le rawl
Thaw te’n ka ei khawh le
Ihphah ṭha le puanvorh ṭha tangah
A it khomi ka si lo nain
Ka Bawi na kutnem in na ka thlim
Cuca’h ka merem ee.
Zeihen ka si i hi tluk in Bawi
Pa na ka dawt i ka zawn
Ruat in hnakkar ah na ka tenh
Ka phu lo ee ka phu hrimhrim lo e
Maw ka Bawipa
Kei cu misual tuk ka si.
