Harnak Pin Ah

Harnak Pin Ah
(Lyrics)
Key: Ab

[Verse 1]
Lebinon tlang sidar tingkung te cu Pathian nih amah ca a cin
Thlichia to tho a phun zakip lakah fek tein a dir zungzal
Cuca’h Pathian Temple thianghlim sak nak caah hman in a um bangin
Bawipa caah zumhawktlak mi nun lawng Temple nun ngeitu an si.

[Chorus]
Thlichia le tilet to tho hna hi zumtu neksaknak si
Jorden tilet na tan khawh lo cun Kanaan na lut kho lo
Harnak a tong lo zumtu nun cu puitling nun an ngei kho lo
Harnak pinah khin thluachuah a um.

[Verse 2]
Na minung hawi hna he tlikzuamnak ah teitu na si khawh lo ahcun
Zeitin cun dah rangtum he tlikzuam ah teitu na si khawh hnga mu
Na innchungkhar thlichia tilet hme te hmanh nih an tluk khawh peng ahcun
Zeitin cun dah Jorden tiva ral cu na phak khawh hnga mu unau.

[Verse 3]
Cuca’h Zumtu nun zalam thluang hi kan pemh I kan fian a herh
Hneksaknak le tukforhnak kar lakah nun kar a hlang mi kan si
Hneksaknak cu kan nun hlortu a si sihmanhseh law tukforhnak cu
Kan nun thlatu le mualpho in chiatu a si kha kan pemh a herh.

[Verse 4]
Pathian nih a thim hlei nazir tlangval Samson kong kha ruat hmanh uh
A thawngmi chiandeih in neksaknak camipuai cu a awng nain
Satan i tukforhnak lengnu Delilah cungah mualpho in a um
Pathian nih a pek mi thawnnak vialte par bang uai in a ziam dih.