Fapa Sunglawi Jesuh
(Lyrics)
Key: E
[Verse 1]
Maw hawidawt Christmas ni sunglawi te cu
Kan hung phan ṭhan cang ee
Vawlei cungmi vialte nih sunsak mi
Khrih chuah ni sung cu
Fapa ngeihchun te hmanh zuah siang loin
A kan petu Pathian
A min thiang cu aupi cio hna usih
Lei killi cul dingin.
[Chorus]
A sangbik van ah khin Pathian cu
Thangṭhat si ko seh
A dawtmi hna umnak vawlei ah hin
Remnak leng cang seh
Tiin vanmi thiang nih zaihla dawh in
An thangṭhat mi Bawipa
Kei zong nih na ka pek cia ka aw in
Kan thangṭhat zungzal lai.
[Verse 2]
Profet hna nih an rak chimchung bia cu
Nihin a tling ee
Fapa pakhat te cu pek kan si cang
Thangṭhat cio usih
Lei le van pehtlaihnak hlei a dontu
Fapa sunglawi Jesuh
Messiah Pathian fapa kan caah
Nihin ah a chuak cang.
[Verse 3]
Maw hawidawt ra uh law naute Jesuh
Lunglawm in bia usih
Nan laksawng sui le ngun can ah kan thin
Lung hi pe usih
Khrih nih sui ngun chawva a kan hal lo
Kan thinlung hi a duh
Kan pum hi naute chuahnak caw
Inn ah hmang cang usih.
