Dinhter Mi Vawlei Tuan Cang Hna U
(Lyrics)
Key: Db
[Verse 1]
Nihin kan ram le kan sining vialte le
Kan dirhmun hna hi vun zoh than tikah
Pathian hmai kawl loin
Hnuchitmi tu kan tam chin ee
Kan hrampi a simi Pathian kha
Kan philh theu ton.
[Verse 2]
Mah pumpak ca le mah chungkhar caah tiin
Mah zawn lawng ruahnak in kan khat dih hna
Mah ca’h hlawknak ahcun
Mi nun hloh zong hi kan tih lo
Miaknak ah kan hmuhmi paoh hi
Thluachuah ah kan rel ca’h
Kan Pathian kan cungah ai lawm kho ti lo.
[Chorus]
Cucaah Lianngan Bik Bawipa nih
Nan ca’h dinhnak kha i tuh uhlaw
Keimah lei i nan tannak nih
A chuah pimi thluachuah kha zuun uhlaw
Nan dinhter mi vawlei kha tuan cang hna uh
Keimah lei ah nan i mer caan a si cang ca’h
Ka ra lai i thluachuahnak kan pek lai tiah ka ti.
[Verse 3]
Jesuh nih vawlei i ka rak rat chantak cu
Keimah riantuanpiak dingah a si lo
Midang riantuan ding le an ca’h ka nunnak pek i
Mikip nih nunnak an hmuhnak hnga ca’h a ti.
[Verse 4]
Nihin kan nun hi kanmah ta a si lo
Bawipa nih tlanh chommi nunnak a si
Mah duhning hmang loin
Ngeitu duh ningin hmang usih
Kan minung hawi ca’h nun theitlai mi si ve dingin
Midang ca’h nun hrawmh dingin ser kan si ee.
[Verse 5]
Kan vawlei simi kan pumsa lo ah hin
Dinhnak kha i tuh uhlaw a kan ti
Zumhawktlaknak le dinfelnak in tuan usih
Tuan zuamnak lungthin tak ngei in tuan usih.
[Verse 6]
Nan tuanmi lo hna le nan tuhmi thlaici cu
Eichuak mi theipar tha an cannak hnga
Mitthli he thlaici a tuhmi nih lunglawmh aunak le
Tah buin thlaici tuhmi nih lawmhnak hlasa in
Facang phal kha i putin an rak kir lai.
[Verse 7]
Cheukhat kan nun ah thatlonak thlaici kha
Kan tuh ca’h a theipar kha kan zun lai
Kan chimmi lihbia le kan tuahmi thatlonak ruangah
Kan lihchim mi nih chuahpi mi thleitlai kan ei cang.
[Verse 8]
Maw hawikom dawt hna a rawkcia mi kan thinlung
Biaktheng kha remh in tuan cang hna usih
Prophet Elizah nih Baal 450 a teinak
Biaktheng bangin kan nun biaktheng ah teinak lang seh
Kan dinhter mi vawlei kha tuan cang usih.
