Dawtnak Timi Cu
(Lyrics)
Key: E
[Verse 1]
Dawtnak timi cu biafang menmen si lo
Tuaktanh ruahchan mi thluak rianṭuan men si lo
Nunnak laifang ah tlaihchan in ruahchan mi
Thinlung chungah hram bunh mi a si;
[Verse 2]
Dawtu timi cu duhtu menmen si lo
Mah zawn lawng ruat mi helhhumtu men si lo
Harnak fawinak ah ṭangchanh in dirpitu
Dawtmi cungah theithiamtu a si
Zumhawktlak mi.
[Chorus]
Zungzal tiangin hmun camcin seh
Chantlung tein len ṭi um seh
Khat le khat karah fek chin seh Dawtnak
Runkhat te ah
Khundim sem cawi leng ṭi usih
Lungdang her tak loin
Zeihmanh nih dawtnak cu
Hrawk kho bal lai lo
Hi leicung chawhlawn hna le
Leng lang dawhnak men nih cun
An iang kho bal lai lo
Thinlung chung sem mi dawtnak timi cu.
[Verse 3]
Dawtmi timi cu chinchiah menmen si lo
Kutsep ah ṭawhmi ram pangpar bang si lo
Par phuntling lakah duh thim in ṭang tanhmi
Dawtu caah lungsak khun a si
Sunsak ve mi dawtmi.
[Bridge]
Dawtu le dawtmi an karlak ah
A hmun dingmi dawtnak sung cu
Zei bantuk kong hmanh ah a ziam kho lai lo
Ni thla le kum caan an liam lio ah
A hmun dingmi ṭuanbia sung cu
Zei bantuk caan hmanh ah a rawk kho lai lo.
