Dawt Khun

Dawt Khun
(Lyrics)
Key: A

[Intro]
Khup thi rual nih an rak ceih tuk mi
Nang le kei kan i zulh khalh tawn kha
Atu ah cun tlingkhan dang ah
Sem puak cawi in na merem cang.

[Verse]
Tu zing cu tuan te’n tho in
Chak lei “ Zing Zing pa “ te dawr ah
Lakphak hraikhat cah in kei ka thu;
Chikhat lo ah vaal rual hna nih
Duhdawtnak kong an i ceih ka hnathlam in
Ka theih fukfek, kei he ka pehtlai lo phun khin
Dai te’n ka um.

[Pre-Chorus]
Mah bal love song fungkhat ko a lo
Ka lakphak dih manh hmanh ka hngalh tung lo
Chikhat lo ah mitthlam a hung cuang than
Dawtkhun he kan kut tlaih kan rak i thlah ni kha.

[Chorus]
Khup thi rual nih an rak ceih tuk mi
Nang le kei kan i zulh khalh tawn kha
Atu ah cun tlingkhan dang ah
Sem puak cawi in na merem cang;
Laksawng na ka pek mi meitek hlun te tukin
Ka kuak bak pah khin vaal rual hna bia ruah
Kal tak in inn lei ah kei lawng
Kei lawng nang zuun tuar in.