Damnak Petu Bawi

Damnak Petu Bawi
(Lyrics)
Key : Eb

[Verse 1]
Bawi Jesuh le a zultu hna cu, Jerikoh khua i an kal lioah
Mitcaw Bartimu nih a theih tikah Jesuh cu
Hung ka zaangfah tuah tiah a au, Bawipa khuahmuh than ka duh a ti
Bawi Jesuh nih cun na zumhnak nih an damter cang va kal a ti.

[Chorus]
Taksa le thlarau ah damlomi nan um maw?
Lungretheih le vansang au hrammi nan um maw?
Thinlung kekkuai le mitthli tla in
Zumhnak in Bawipa kan hal ahcun, na zawtnak vialte
Cu an dam ter lai, damnak petu Bawi a si.

[Verse 2]
Thinhmui pahra nih damnak duh ah, Bawipa kan zaangfah tuah ti’n an au
Bawipa bia bangin an zawtnak vialte in an dam
Kan Pathian Bia cu zumtu ca cun, kan taksa, thlarau damnak a si
Jordan tiva ah damnak a um lo, a bia ah damnak a um.

[Verse 3]
Kum hleihnih chung thi a chuakmi nu, Jesuh puanki tongh in a dam cang
Sawmthum le kumriat tiang a zengmi pa a dam cang
Zumhnak in e cohlangtu hna le, zumhnak in Jesuh sin panhmi cu
Mitcaw Bartimu zongkhua a hmu cang, mizeng hna zong an kal cang.

[Verse 4]
Ramcar chungah Isreal miphun, rulcuk hma tuar in dam lomi nih
Moses darrul zoh mi hna nih damnak kha an hmuh
Taksa, Thlarau ah dam lomi nih, damnak kan hmuh khawh ve nak dingah
Dawtnak in Vailam ah a thi mi Bawi zoh mi ni damnak an hmuh.