Christmas Caan Sunglawi

Christmas Caan Sunglawi
(Lyrics)
Key: Bb

[Verse 1]
Zaandai tuukhal pawl hnen thuthang tha a thleng
Mikip hrang lungawinak thuthang tha a si
Mi hmuahhmuah rundamtu Jesuh a suak zo
Lungawi in lawm in thangthat usih.

[Chorus]
Merry Christmas caan sunglawi kan thleng zo
Mi phunkip hrangah lungawinak a si
A daibik zaanah naute a suak zo
Tingtang le zaihla mawi thawn hlir sin uh.

[Verse 2]
Vanmi pawl zai hlarem leitlun ah a thang
Leitlun ah remdaihnak leng thlang seh tiin
Thinhar lunglengmi hrang hnemtu a suak zo
Lungawi in lawm in thangthat usih.

[Verse 3]
Nan thinlung sangkaa cu rat on cio uh law
Naute Jesuh suahnak hmun Bethlehem bang
Nan nun ah Jesuh Khrih rat suakter ve aw
Christmas lungawinak nan hnen thleng seh.