Cerh Tinung Jesuh
(Lyrics)
Key: G#
[Verse 1]
Mi tampi nih Jesuh cu an kawl
Khuaruahhar thil tuahmi ruangah si lo
An duhzat in changreu an ei khawh ca tu ah a si
Jesuh Khrih cu an cungah ai lawm kho lo
Hi a rawk kho mi rawl ca’h hin tuan hlah
Zungzal hmun mi rawl ca’h tuan uh
Ka bia ngai uhlaw ka chimmi tuah uh
Rawl vialte lakah thawbik kha nan ei lai.
[Chorus]
Minung hi rawl lawngin nung kho lo
Hmanhseh Pathian nih chimmi bia cu
Nunnak sunglawibik mi a si
Cu nunnak bia ngeitu le
Nunnak cerh tinung Jesuh nih
Manpek hau loin rak i lak uh a kan ti.
[Verse 2]
Jesuh nih cun hi tihin a ti
Ka sa ei i ka thi dingmi cu
Zungzal nunnak an ngei i
Nunnak tharah ka thawhter hna lai
Hmanhseh mikip nih cun an i mertak lai
Cu bangin Jesuh nih zultu hna kha
Nan nih zong nan kal ve lai lo maw a ti
Peter nih zei ca’h dah kan kal lai
Nang cu zungzal nunnak bia ngeitu na si.
[Verse 3]
Pathian nih cun hitin hin a ti
Ka mi hna nih that lonak pahnih an tuah
Tinung chuahnak cerh keimah kha an ka hlawt i
Ti zawi kho lomi zut mi tikuang kha an ser
Jesuh nih cun hi tihin a kan ti
Ti a halmi paoh ka sinah ra law
Manpek hau loin rak ding tuah uh a ti
Nan lungchungin tiva nung a put lai a ti.
