Carson le Laura
(Lyrics)
Key: G
[Verse 1]
Zaanlei ninem ah Carson le Laura
Chosang cu kai in, cinrung run ven hna
A celh hrim lo maw, Laura Bawi nu cu
Merem kho hrim lo, a tap ruangmang ee..
[Chorus]
Ka ta Carson aw, hi mi hna sinah
Thawngtha biasung hi, kan chim kho hnga maw?
Tiin vansang le lungdong tah nguai in
Carson siang cungah mitthli zul kial mal..
[Verse 2]
Ka dawt Arthur aw tap len ti hlah law
Na ba tuk ai ee, i hngilh ai cang law
Thaizing ah niceu dawh te kan caah
A tlang te ko lai, Laura lunghnem ee..
[Verse 3]
Va cuai le hau hngar milu rel tawn hna
Hmunkip tlangkip i, lawmhnak niceu hi
Carson le Laura hna nih nihin ah
Vansang lenruat in, rak cuan ve hna maw?
[Verse 4]
Carson le Laura, mitthli bia an chim
Laimi phun dihlak, mitthli man kan si
Mitthli he thlai tu mi nih lawmhnak he
An tlung lai biathiang nihin ah tling cang..
