Camipuai
(Lyrics)
Key: C
[Verse 1]
Cawnpiaktu nih a cawnpiak mi hna kha catang kai ter duh ah
An mah le catang ning cio tein camipuai a tuah hna
Thlarau ram leiin cawisan a kan duh Bawipa Jesuh nih
Cu caah mah le tawk cio phit ding campuai a kan tuah ve..
[Chorus]
Kan tlinh lo le, kan thiam lo zong a hngalh
Cu caah cun amah li la tu nih, a kan phitpi than tawn
Mitling lo kha a tlinnak hrawm in
Kan phut lo le kan tawk lo dir hmunah a kan cawisan ee..
[Verse 2]
Vawlei phung in teitu kan timi cu cung cuangmi an si tawn
Sihmanhsehlaw vanlei tahnak fung cun tanglei ummi le
Toidor nun a ngeimi hna tu khi teitu an si zungzal
Cu nun duh nung ngeitu hna cu thlarau nu le pa an si..
[Verse 3]
Thlarau ram in nutling patling hna cu minun teitu si lo
Mah le mah tei in uk khawh thawnnak a ngeitu an si
Cu caah hi vawlei thluachuah hmutu le cotu an si
Van sui ramah teinak laksawng sung zong pek in an um lai..
[Verse 4]
Na phitmi camipuai a har ahcun thluachuah a tam deuh lai
Cu caah cun vuivai in um hrim hlah mitthli he i lawm
Nihin kan tahnak mitthli vialte thaizing khua dei cun
Lunglawmhnak mitthli ah an cang te lai Hallelujah Amen.
