Calvary Sizung
(Lyrics)
Key: D
[Verse 1]
Lei kan nunnak hi tihnung natnak phunkip
An karh sinsin ee dam lo a hrekkhat pawl cu
Sibawi sangsang pawl an pan hmanhseh sibawi in
Damter thei loin thlanmual liammi an tam ee.
[Chorus]
Bawi Jesuh cu taksa thinlung thlarau damnak
Calvary sizung pi a panmi hmuahhmuah cu
Damnak an hmuh cio ih a man ziang hman tul lo
A duhmi paoh pan uh damnak Calvary sizung cu.
[Verse 2]
Farah hrekkhat cu lu na raifan men ah
Sii hmang thei lo le sizung pan thei lo ruangah
Farah mi hrekkhat pawl cu dam duhzet cingin
Thih caan cut hlan ah liamtuan mi an tam tuk thlang.
[Verse 3]
Leitlun sibawi sang a thiambik mi pawl in
Taksa an damter nain thinlung thlarau cu
An damter thei lo hmanhseh Bawi Jesuh Khrih cu
Taksa thinlung le thlarau kan damnak a si.
[Verse 4]
Taksa thinlung le thlarau damnak sizung
Bawi Khrih thisen in damter na duh ve lo maw?
Dam a duhmi in a tu caan tha liam hlan ah
In rundamtu Bawi Khrih hnen pan cio thlang usih.
