Bethlehem Arfi
(Lyrics)
Key: Ab
[Verse 1]
Halleujah
Van le vawlei Siangpahrang Bawi a chuak cang
Halleujah Amen
Bethlehem Pangpar dawh a par cang
Vawlei i biaceihtu si lo vawlei khamhtu Bawipa cu
Bethlehem ah tuzaan a chuak cang
Lei le van remnak sertu
Eden kutkaa hunpiaktu Bethlehem ah a chuak cang.
[Chorus]
I lawm cio tuah u i lawm uh
Hi tluk lawmhnak thawngṭha bik hi
Thutpi khawh si lo kan nunnak
Dihlak in thangṭhat usih
Damnak pangpar a si
Zungzal nunnak pangpar dawh a si.
[Verse 2]
Sual le palhnak ruangah
I phuhrung in a ummi vialte hna zong
Lawm in thangṭhat usih misual caah Jesuh a chuak cang
Ngeihchia le lung a kuai i dawtmi zuun a tlem mi hna
Ngeihchiatnak puan lu cu hung cang uh
Kan mitthli hnawhpiak ding le
Kan tuarnak hrawmpi dingin Van Bawi Messiah a chuak cang.
[Verse 3]
Sung le zatlak ruangah
Ruahchannak lung a dong cia mi vialte hna
Lawm in thangṭhat usih
Ruahchannak thar petu Bawi a si
Na chan chungah lawmhnak niceu a hmu bal lo mi hna
Lunglawm le ṭhanuam in um cang uh
Na nunnak khuamui chungah
Lawmhnak ni thar tlantertu Bethlehem Arfi a si.
[Verse 4]
Zawt le fahnak ruangah
Tuar le ing ngai in a hrum i a ai mi
Lawm in thangṭhat usih
Van lei siibawi Jesuh a chuak cang
Thinghmui Canser zawtnak le mitcaw kebei vialte zong
Jesuh thawngin damnak an hmuh cang
Zumhnak in Bethlehem khua
Naute Jesuh kha pawm law a ṭhawnnak in na dam lai.