Beidong Hlah

Beidong Hlah
(Lyrics)
Key: D

[Verse 1]
Ngaihsaktu tha nei lo le bawmtu nei lo
Zangfahtu le duhdawttu nei lo pawl khal
A hngilhsan dah lo a kilkhawi ringring
A hnenah colhhahdamnak an hmu.

[Chorus]
Tuukhal dinhmun ih sin sangah a thlentu
Bawipa cu a danglam dah lo
Thawngtla dinhmun ih sin mi uktu ah a tuah
Bawipa ih maksak zia an langter
Na zumngamnak vekin a thleng ding
Beidong hlah napi’n zuam sinsin aw.

[Verse 2]
Lungkuai ih fa nei thei lo minu pawl khal
Lungawinak le thinnuam in an um theisal
Thinlung takih a pantu a hnong dah lo
An tulmi ziangkim in a tuahsak.

[Verse 3]
Ruahsan ding nei lo le damsan mi nei lo
Mitcaw, hnaset le kezeng pawl an dam sal
Ziangkim a tuahtheitu kan Bawi Jesuh
Damnak famkim neitu a si ee.